|
يابـرتقان احمـر وجـديد
بكـره الوقفه وبعده العيد
*****
بابا اشترالى جـزمه برباط
وبَدْلـه من عند الخيـَّاط
فى العيد ها اسـافر للعياط
واروح لجدى وخالى سعيد
*****
يابـرتقان احمـر وجـديد
بكـره الوقفه وبعده العيد
*****
عديِّتى تيجى خمسـه جنـيه
ها اجيب لى قطر وألعب بيه
واركّـِب اختى واخويا عليه
ويروحـو بيه مراجيح العيد
*****
يابـرتقان احمـر وجـديد
بكـره الوقفه وبعده العيد
*****
ها اعين هـدومى المكويـه
ومن التـراب ها احمى عنيه
بالمركبـه ها اعـدِّى الميـه
واروح لغيطنا فى المواعيـد
*****
يابـرتقان احمـر وجـديد
بكـره الوقفه وبعده العيد
*****
أساعـد ابـويا اللى ادانى
من زرع غـيطـه وربانى
المـطـره تـنزل ربـانى
ويكـبر الـزرع وبيزيـد
*****
يابـرتقان احمـر وجـديد
بكـره الوقفه وبعده العيد
*****
| 
